Marcos Prada Ginzo solicitou licenza municipal para ampliar a licenza, actualmente de floraría, a venda de produtos fitosanitarios no baixo da rúa Doctor Vila, número 6. En cumprimento do disposto polo artigo 8, número 3, do Decreto 133/2008, do 12 de xuño, de avaliación de incidencia ambiental, sométese a información pública polo período de vinte días co fin de que durante este período, que comezará a contarse desde o día seguinte ao da inserción deste edicto no Diario Oficial de Galicia e no Boletín Oficial da provincia, poidan examinar o expediente, na Secretaría deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que consideren oportunas.

A Rúa, 21 de maio de 2013

Avelino García Ferradal
Alcalde