O artigo 11 da Lei 4/2006, do 30 de xuño, de transparencia e boas prácticas na Administración pública galega (Diario Oficial de Galicia núm. 136, do 14 de xuño), imponlle a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Consellería de Medio Ambiente, Territorio e Infraestruturas no primeiro cuadrimestre do ano 2013 que se incorpora como anexo a esta resolución.
Santiago de Compostela, 14 de maio de 2013
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas
ANEXO
Convenios de colaboración subscritos pola Consellería de Medio Ambiente, Territorio e Infraestruturas no primeiro cuadrimestre de 2013
Descrición |
Data de sinatura |
Importe total |
Convenio de colaboración entre a Consellería de Medio Ambiente, Territorio e Infraestruturas e a Escola Galega de Administración Pública para o desenvolvemento de actividades de formación, divulgación e investigación |
15.1.2013 |
0 |
Convenio de cooperación educativa entre a Administración xeral da Comunidade Autónoma de Galicia, a través da Consellería de Medio Ambiente, Territorio e Infraestruturas, e a Universidade da Coruña para a realización de prácticas externas curriculares dos estudantes do Máster oficial en metodoloxía da investigación en ciencias sociais: innovacións e aplicacións |
30.1.2013 |
0 |
Addenda ao convenio marco de colaboración entre a Administración xeral da Comunidade Autónoma de Galicia e as entidades xestoras dos sistemas integrados de xestión (SIX) de residuos de pilas e acumuladores |
8.2.2013 |
0 |
Acordo de colaboración entre a Axencia Galega de Emerxencias e a Consellería de Medio Ambiente, Territorio e Infraestruturas sobre comunicación bilateral, información recíproca e elaboración de protocolos de actuación conxunta en materia de meteoroloxía e climatoloxía en Galicia para a atención de emerxencias e protección cidadá |
19.2.2013 |
0 |
Convenio marco de colaboración entre a Comunidade Autónoma de Galicia e a sociedade ecolóxica para a reciclaxe dos envases de vidro (Ecovidrio) |
20.2.2013 |
0 |
Convenio de colaboración entre a Administración xeral da Comunidade Autónoma de Galicia, a través da Consellería de Medio Ambiente, Territorio e Infraestruturas, e a Fundación La Caixa en materia de espazos naturais protexidos |
1.3.2013 |
350.000 |
Addenda nº 2 ao convenio de colaboración entre as consellerías de Medio Ambiente, Territorio e Infraestruturas; de Cultura, Educación e Ordenación Universitaria e o Concello de Ferrol para dotar de equipamento escénico o Auditorio de Ferrol, cofinanciado polo Fondo Europeo de Desenvolvemento Rexional no marco do programa operativo Feder Galicia 2007-2013 |
2.4.2013 |
884.981 |
Convenio de colaboración entre a Administración xeral da Comunidade Autónoma de Galicia, a través da Consellería de Medio Ambiente, Territorio e Infraestruturas, e a Autoridade Portuaria de Vigo para a protección do ambiente e preservación dos recursos naturais no contorno do porto de Vigo |
8.4.2013 |
0 |
Addenda nº 4 ao convenio de colaboración entre a Consellería de Medio Ambiente, Territorio e Infraestruturas e o Concello de Baiona para a execución de obras en materia de urbanismo |
9.4.2013 |
1.280.000,20 |
Addenda nº 7 ao convenio entre as extintas consellerías de Política Territorial, Obras Públicas e Vivenda; de Política Territorial, Obras Públicas e Transportes e o Concello de Lugo para a construción do Centro Cultural-Auditorio de Lugo |
11.4.2013 |
19.443.877,98 |