De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por non ser posible a notificación a través do servizo de Correos, notifícase mediante a publicación no Diario Oficial de Galicia e exposición no taboleiro de edictos do Concello de Sagunto, provincia de Valencia, a Ttes. J. Domenech Royo, S.L., con CIF B84103316, como propietario do vehículo semirremolque marca Lecitrailer, modelo SR3E, matrícula LU-00991-R e número de bastidor VV1SR3ESAFLL72422, o seguinte requirimento:
De acordo con acta informe levantada polo celador gardapeiraos con NIP 367126, ás 12.30 horas do 4 de xuño de 2012, na explanada onde se atopan depositados os bloques para o novo peirao do porto de Tragove, está estacionado un vehículo semirremolque marca Lecitrailer, modelo SR3E, matrícula LU-00991-R, desde hai meses, en claro estado de abandono e con gravísimos desperfectos segundo se pode apreciar nas fotos anexas á acta.
Solicitados datos á Xefatura Provincial de Tráfico de Pontevedra, o titular actual do vehículo é a mercantil Ttes. J. Domenech Royo, S.L., con CIF B84103316, e domicilio en Valls Canet Berenguer, 27, Sagunto, Valencia.
Considerando o exposto, e xa que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese o titular para que nun prazo máximo dun mes, contado desde a notificación desta cédula proceda a retirar o vehículo da zona de servizo do porto de Tragove-Cambados.
No caso de incumprirse este requirimento, Portos de Galicia, sen mais trámites, daralle ao vehículo tratamento de residuo, e procederá, en consecuencia, ao seu traslado a centro autorizado de tratamento de vehículos para a súa posterior destrución e descontaminación.
O anterior enténdese sen prexuízo das sancións administrativas que procedan en dereito.
Para o seu exame, o expediente completo atópase nas dependencias dos servizos centrais de Portos de Galicia en Área Central; praza de Europa, 5-A, 6º, 15707 Santiago de Compostela.
E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula.
Santiago de Compostela, 16 de maio de 2013
José Ignacio Villar García
Director de Portos de Galicia