Caminero, S.A.T., solicitou desta alcaldía licenza municipal para a instalación dunha balsa de xurro que se situará en Seoane, nº 9 (Cabarcos). En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que se xulguen oportunas.

Barreiros, 16 de maio de 2013

José Alfonso Fuente Parga
Alcalde