A Resolución do 7 de marzo de 2013, publicada no Diario Oficial de Galicia núm. 53, do 15 de marzo, establece as bases para a concesión, en réxime de concorrencia competitiva, das subvencións a proxectos de renovación das instalacións de iluminación pública exterior existentes (ILE) nos concellos de Galicia e procede á súa convocatoria para o ano 2013.
No seu artigo 3 establécese a aplicación orzamentaria e o importe previsto para o financiamento das devanditas subvencións, así como a posibilidade de ampliar os créditos dedicados a esta convocatoria, logo da declaración de dispoñibilidade de crédito, como consecuencia das circunstancias establecidas no artigo 30.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, e, se for o caso, logo de aprobación da modificación orzamentaria que proceda.
Na aplicación orzamentaria correspondente existe crédito dispoñible e co fin de atender as solicitudes admitidas para participar nesta convocatoria, cómpre ampliar a dotación orzamentaria consignada inicialmente.
Consecuentemente con todo o anterior e en exercicio das facultades que me confire o artigo 8 da Lei 3/1999, de 11 de marzo, de creación do Instituto Enerxético de Galicia,
RESOLVO:
Artigo único
1. Ampliar en 350.000 euros, procedentes dos fondos propios do Inega, a dotación orzamentaria da Resolución do 7 de marzo de 2013 (Diario Oficial de Galicia núm. 53, do 15 de marzo) pola que se establecen as bases para a concesión, en réxime de concorrencia competitiva, das subvencións a proxectos de renovación das instalacións de iluminación pública exterior existentes (ILE) nos concellos de Galicia e se procede á súa convocatoria para o ano 2013.
2. Na táboa seguinte detállanse os fondos definitivos:
Aplicación orzamentaria |
Crédito inicial |
Ampliación |
Crédito definitivo |
08.A2.733A.761.0 |
3.628.104 € |
350.000 € |
3.978.104 € |
Santiago de Compostela, 24 de abril de 2013
Ángel Bernardo Tahoces
Director do Instituto Enerxético de Galicia