Mediante as ordes da Consellería de Facenda do 25 de xuño e do 28 de decembro de 2012 foi autorizado o alleamento mediante poxa dun inmoble situado no concello de Vilagarcía de Arousa, así como dunha serie de bens mobles.

Logo de realizarse unha primeira poxa pública o día 8 de marzo de 2013 e convocar para a realización dunha segunda e terceira (DOG nº 63, do 2 de abril), realizouse o 8 de abril de 2013 a poxa pública anunciada, co cal, á vista das actas da mesa de contratación, de conformidade co disposto no artigo 70 do Decreto 50/1989, polo que se aproba o regulamento para a execución da Lei do patrimonio da Comunidade Autónoma galega, e logo da proposta da Secretaría Xeral Técnica e do Patrimonio,

DISPOÑO:

Primeiro. Declarar deserta en segunda e terceira poxa a adxudicación dos seguintes bens:

1. Urbana: local no entresollado do edificio sinalado co nº 28 da avenida Doutor Tourón, concello de Vilagarcía de Arousa, cunha superficie útil de 121,21 m2, que segundo o Rexistro da Propiedade linda: á dereita, Dalmira Penide Davila; á esquerda, predio nº 16301, descanso, caixa da escaleira e patio de luces; á fronte, avenida Doutor Tourón e caixa da escaleira; e ao fondo, Irlanda Penide Davila, descanso e caixa de escaleira. Referencia catastral: 9257810NH1195N0005BL. Inscrito no Rexistro da Propiedade de Vilagarcía de Arousa como predio nº 11041, libro 298 e folio 105.

Tipo de licitación en segunda poxa: 80.086,68 euros.

Tipo de licitación en terceira poxa: 65.953,73 euros.

2. Mesa de madeira tallada de 182×98×77 centímetros.

Mesa de madeira tallada e torneada de 162×100×80 centímetros.

Mesa de madeira tallada de 248×124×83 centímetros.

Cadeira de madeira e coiro de 109×57,50 centímetros (catro unidades).

Armario de madeira e vidro de 180×175×40 centímetros.

Máquina de escribir Olivetti liña 98 e máquina calculadora.

Mesa de reunións de madeira de 455×132×80 centímetros.

Andel de madeira de 80×242×25 centímetros (tres unidades).

Tipo de licitación en segunda poxa: 3.472,25 euros.

Tipo de licitación en terceira poxa: 2.859,50 euros.

Segundo. Contra esta resolución, que pon fin á vía administrativa, poderase interpoñer recurso potestativo de reposición perante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses.

Santiago de Compostela, 18 de abril de 2013

P.D. (Orde do 9.1.2012; DOG núm. 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda