Sométese a información pública o expediente 2011/409, tramitado por instancia de Miraflores, C.B. para a tramitación do expediente de incursión na situación legal de fóra de ordenación dunha nave na Pena de Francia, s/n, na parroquia de Dornelas deste municipio. De conformidade co disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, durante o prazo de vinte días, que se contarán a partir do seguinte ao da última publicación do presente edicto no Boletín Oficial da provincia e no Diario Oficial de Galicia, o expediente estará á disposición do público nas oficinas municipais co fin de que quen se considere afectado pola actividade poida examinalo e deducir, de ser o caso, as alegacións e observacións que consideren convenientes.

Mos, 8 de abril de 2013

Nidia Mª Arévalo Gómez
Alcaldesa