Para os efectos previstos no artigo 13 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, así como no artigo 7.5 da Lei 6/2007, do 11 de maio, sométense a información pública o Plan director de acuicultura litoral e todos os documentos que o integran.
Para os efectos do artigo 10 da Lei 9/2006, do 28 de abril, sobre avaliación dos efectos de determinados plans e programas no ambiente, a fase de consulta sobre a versión preliminar do plan, que inclúe o informe de sustentabilidade ambiental, implica as seguintes actuacións: a) posta á disposición do público.
A documentación estará dispoñible, co fin de que calquera persoa física ou xurídica poida examinala e presentar as alegacións que considere oportunas na Secretaría Xeral do Mar, San Caetano, s/n, Santiago de Compostela. Durante este prazo poderá consultarse nos seguintes enderezos:
http://www.intecmar.org/esga/PDAL/Default.aspx
http://www.intecmar.org/esga/PDAL/Cartografia.aspx
O prazo de exposición e alegacións será de dous meses, contados a partir do día seguinte a aquel en que teña lugar a publicación deste anuncio no Diario Oficial de Galicia, para os efectos do proceso de avaliación ambiental estratéxica segundo a Lei 6/2007, do 11 de maio.
Para os efectos do Decreto 80/2000, do 23 de marzo, será dun mes contado a partir do día seguinte a aquel en que teña lugar a publicación deste anuncio no Diario Oficial de Galicia.
Santiago de Compostela, 26 de marzo de 2013
Juan Carlos Maneiro Cadillo
Secretario xeral do Mar