O Pleno desta Corporación, na sesión ordinaria celebrada o día 22 de febreiro de 2013, adoptou, entre outros, o seguinte acordo:
«31. Aceptación da ampliación da delegación de competencias do Concello das Pontes de García Rodríguez, recadación voluntaria e executiva das sancións por infraccións da lei sobre tráfico, circulación de vehículos de motor e seguridade viaria.
Aceptar a delegación das seguintes competencias acordada polo Concello das Pontes de García Rodríguez:
• Recadación en período voluntario e en vía executiva do importe das sancións impostas por infraccións das normas sobre tráfico, circulación de vehículos de motor e seguridade viaria.
• Xestión, inspección e recadación en período voluntario e en vía executiva da taxa pola utilización privativa ou aproveitamentos especiais constituídos no solo, subsolo ou voo das vías públicas, a prol das empresas explotadoras de servizos de subministracións que resulten de interese xeral, incluíndo o suposto especial de telefonía móbil.
O exercicio das competencias delegadas obxecto de aceptación levarase a cabo nos termos establecidos nas bases para a prestación de servizos en materia de sancións por infracción das normas sobre tráfico, circulación de vehículos de motor e seguridade viaria e da taxa pola utilización privativa ou aproveitamentos especiais aos concellos que non teñan delegada a xestión tributaria e a recadación dos impostos municipais obrigatorios e terá efectos desde o día en que se publique este acordo no Boletín Oficial da provincia e da Comunidade Autónoma conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».
O que se fai público para xeral coñecemento.
A Coruña, 6 de marzo de 2013
María Padín Fernández José Luis Almau Supervía
O presidente/PDFR 5.8.2011/ Secretario da Deputación
A vicepresidenta Provincial da Coruña
