De acordo co disposto no artigo 7 da Resolución do 23 de outubro de 2008 (DOG do 13 de novembro) pola que se dispón a publicación do regulamento interno de organización e funcionamento do Consello Galego de Relacións Laborais, as organizacións sindicais e empresariais designarán os seus membros representativos, que serán nomeados pola persoa titular da consellería competente en materia de traballo.

Facendo uso da posibilidade de substitución, que recolle o artigo 8 da dita resolución, o Sindicato Nacional de CC.OO. de Galicia acordou a substitución de un dos seus membros titulares e de un dos suplentes, da súa representación no Consello.

Por todo o exposto, ao abeiro do artigo 7 da referida Resolución do 23 de outubro de 2008, e en uso das atribucións que teño conferidas,

DISPOÑO:

Artigo 1

Nomear membro titular do Pleno do Consello Galego de Relacións Laborais, en representación do Sindicato Nacional de CC.OO. de Galicia, a Xesús Castro Baamonde en substitución de Daniel Costas Fernández.

Artigo 2

Nomear membro suplente do Pleno do Consello Galego de Relacións Laborais, en representación do Sindicato Nacional de CC.OO. de Galicia, a José Plácido Cazón Lamas en substitución de Nuria Rodríguez Lema.

Santiago de Compostela, 5 de marzo de 2013

Beatriz Mato Otero
Conselleira de Traballo e Benestar