No Xulgado do Contencioso-Administrativo número 1 de Pontevedra tramítase o recurso 47/2013-B (procedemento abreviado), interposto por María Olga Souto Rodríguez contra a Resolución do 22 de novembro de 2012, da directora de Recursos Humanos do Servizo Galego de Saúde, pola que se desestima o recurso de reposición interposto contra a Resolución do 28 de agosto de 2012, da Dirección de Recursos Humanos do Servizo Galego de Saúde, pola que se procede a dar publicidade ás listas definitivas de persoas aspirantes admitidas, co número de orde e puntuación, con respecto ao proceso de inscrición de aspirantes para vinculacións temporais nas diversas categorías sanitarias de formación profesional no ámbito das institucións sanitarias do Servizo Galego de Saúde e entidades adscritas á Consellería de Sanidade (DOG nº 177, do 17 de setembro de 2012). (Categoría: técnico/a superior en Anatomía Patolóxica e Citoloxía).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 1 de marzo de 2013

Margarita Prado Vaamonde
Directora de Recursos Humanos