En cumprimento do disposto na Lei 54/1997, do 27 de novembro, do sector eléctrico e no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a solicitude de declaración de utilidade pública, en concreto, presentada por Ferroatlántica, S.A.U. das instalacións que se describen a continuación:
Solicitante: Ferroatlántica, S.A.U.
Domicilio social: estrada ao Mirador, 15297 O Ézaro, Dumbría (A Coruña).
Denominación: aproveitamento hidroeléctrico de Novo Castrelo.
Concellos afectados: Dumbría e Mazaricos.
Características técnicas:
• Aproveitamento hidroeléctrico no río Xallas constituído basicamente por:
– Unha turbina Kaplan, de eixe horizontal para un caudal máximo de 35 m3/s, salto 21,4 m e potencia nominal de 6.072 kW.
– Un xerador síncrono trifásico de 7.000 kVA de potencia nominal aparente, a 6 kV de tensión e 750 rpm.
– Sistema de xeración a 6 kV constituído por 5 celas para neutro, xerador, protección xerador, saída de trafo de potencia e trafo de servizos auxiliares.
– Sistema en subestación 6/66 kV equipada con:
- Seccionador tripolar mecanizado para 72,5 kV e 800 A.
- Interruptor automático tripolar en SF6 para 72,5 kV e 2.000 A.
- Pararraios autoválvulas para 72,5 kV.
- Un transformador de potencia de 8 MVA e tensións de 6/66 kV.
- Un transformador para servizos auxiliares de 100 kVA e tensións de 6/0,400-0,230 kV.
- Un grupo electróxeno servizo de emerxencia de 20 kV.
- Equipos de protección, sinalización, telemando e medida.
• Liña aerosubterránea á tensión nominal de deseño 66 kV dobre circuíto ata o apoio 8 e simple circuíto o resto da liña, coa orixe na central hidroeléctrica de Novo Castrelo e final na central hidroeléctrica da Ponte Olveira:
– Circuíto 1: liña aerosubterránea á tensión nominal de explotación a 66 kV; 1º tramo subterráneo cunha lonxitude de 0,051 km, orixe na central hidroeléctrica de Castrelo e final no apoio 1 Pa/s en condutor RHZ 136/66 kV 240 mm2 Al; 2º tramo aéreo cunha lonxitude de 2,567 km coa orixe no apoio 1 e final no apoio 13 Pa/s, en condutor LA-110; 3º tramo subterráneo de 0,178 km coa orixe no apoio 13 Pa/s e final na central hidroeléctrica da Ponte Olveira, en condutor RHZ 136/66 kV 240 mm2 Al.
– Circuíto 2: liña aerosubterránea á tensión nominal de explotación a 6 kV; 1º tramo subterráneo cunha lonxitude de 0,051 km, orixe na central hidroeléctrica de Castrelo e final no apoio 1 Pa/s en condutor RHZ 136/66 kV 95 mm2 Al; 2º tramo aéreo cunha lonxitude de 1,483 km coa orixe no apoio 1 e final no apoio 8 Pa/s, en condutor LA-56; 3º tramo aéreo cunha lonxitude de 0,01 km coa orixe no apoio 8 e final no apoio 8 Pa/s, en condutor LA-56; 4º tramo subterráneo de 0,115 km coa orixe no apoio 8 Pa/s e final na toma da central hidroeléctrica de Novo Castrelo, en condutor RHZ 136/66 kV 95 mm2 Al.
Obxecto da información pública:
A declaración de utilidade pública das instalacións. Esta declaración de utilidade pública levará implícita, de acordo co artigo 54 da Lei 54/2007, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Relación de propietarios, bens e dereitos afectados:
A relación concreta e individualizada dos propietarios, bens e dereitos afectados figura no anexo que se insire con esta resolución.
Por Resolución da Dirección Xeral de Enerxía e Minas, con data do 31 de maio de 2007, autorizouse administrativamente a instalación e aprobouse o proxecto de execución do «proxecto de infraestruturas necesarias para a modificación do aproveitamento hidroeléctrico no río Xallas, salto de Castrelo».
O que se fai público para o coñecemento xeral e especialmente dos propietarios e demais titulares afectados dos que se insire relación no anexo desta resolución, así como das persoas que, sendo titulares de dereitos reais ou intereses económicos sobre os bens afectados, fosen omitidos, para que poidan examinar o expediente no que constan as características e afeccións derivadas do proxecto nesta xefatura territorial, sita no Edificio Administrativo de Monelos, rúa Vicente Ferrer, 2, 1º e 2º andar, 15071 A Coruña, e presentar as súas alegacións no prazo de vinte días, a partir da última publicación.
A Coruña, 28 de febreiro de 2013
Susana Vázquez Romero
Xefa territorial da Coruña
