O representante da titularidade do centro privado CENP do concello da Coruña solicita autorización para impartir o ciclo formativo de grao superior (CS) Secretariado e o CS Xestión comercial e márketing.
Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Primeiro.
1. Autorizar a implantación do CS Secretariado e do CS Xestión comercial e márketing no centro privado que se sinala:
Denominación xenérica: centro privado.
Denominación específica: CENP.
Código do centro: 15032595.
Domicilio: avda. da Habana 6-7.
Localidade: A Coruña.
Concello: A Coruña.
Provincia: A Coruña.
Titular: CENP Nuevas Profesiones, S.R.L.
2. Composición resultante:
– 1 CS Axencias de viaxes e xestión de eventos (2 unidades para 20 alumnos/as cada unha).
– 1 CS Guía, información e asistencia turísticas (2 unidades para 20 alumnos/as cada unha).
– 1 CS Secretariado (1 unidade para 30 alumnos/as).
– 1 CS Xestión comercial e márketing (1 unidade para 30 alumnos/as).
Segundo.
Para a posta en funcionamento das ensinanzas que se autorizan, a Xefatura Territorial da Consellería de Cultura, Educación e Ordenación Universitaria da Coruña, logo do informe do Servizo Territorial de Inspección Educativa, aprobará expresamente a relación de persoal que impartirá docencia no dito centro, así como o equipamento adecuado.
Terceiro.
Esta orde dará lugar á correspondente inscrición no Rexistro de Centros da Comunidade Autónoma de Galicia.
Cuarto.
O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de febreiro de 2013
Jesús Vázquez Abad
Conselleiro de Cultura, Educación e Ordenación Universitaria