Detectado erro na publicación da Resolución do 12 de novembro de 2012 (DOG núm. 220, páxina 43372, do 19 de novembro), pola que se convoca concurso público para a provisión de prazas de profesorado contratado doutor, e vista a Resolución do 5 de marzo de 2013, esta reitoría, de acordo co artigo 105.2 da Lei 30/1992, do 26 de novembro, de réxime xurídico das administracións públicas e do procedemento administrativo común, acorda:
Primeiro. Na referencia:
Código |
CD1202-C04-220-CD-02 |
Nº de prazas |
1 |
Corpo |
Profesor contratado doutor |
Área de coñecemento |
A-220 Ecoloxía |
Departamento |
C04 Ecoloxía e Bioloxía Animal |
Actividade docente e investigadora |
Ecoloxía mariña |
Centro de traballo |
310 Facultade de Ciencias do Mar-Vigo |
Onde di:
Centro de traballo |
310 Facultade de Ciencias do Mar-Vigo |
Debe dicir:
Centro de traballo |
101 Facultade de Ciencias-Ourense |
Segundo. De acordo coa base terceira da Resolución do 12 de novembro de 2012, establécese un novo prazo de vinte días naturais para a presentación de solicitudes na referencia CD1202-C04-220-CD-02, contados a partir do día seguinte ao día de publicación desta corrección de erros no Diario Oficial de Galicia. Segundo o artigo 48 da citada Lei 30/1992, do 26 de novembro, se o último día do prazo coincide con sábado ou día inhábil na Universidade de Vigo, entenderase prorrogado ao primeiro día hábil seguinte.
Terceiro. As persoas candidatas que aboaron as taxas e presentaron a documentación recollida na base 3.3 da Resolución do 12 de novembro de 2012 na referencia CD1202-C04-220-CD-02, estarán exentas de facelo novamente, pero deben presentar unha nova solicitude de participación segundo a base segunda da presente resolución e de acordo co novo perfil.
Vigo, 7 de marzo de 2013
Salustiano Mato de la Iglesia
Reitor da Universidade de Vigo