Neste concello tramítase expediente por instancia de Juan Alberto Martínez Maneiro, en representación de Auto Vidrio Plus, S.L., para licenza de actividade de taller de reparación e montaxe de cristais do automóbil que se situará na rúa Principal, 138, baixo, parroquia de Boiro, actividade sometida ao Decreto 133/2008, do 12 de xuño, polo que se regula a avaliación de incidencia ambiental.

En cumprimento da lexislación vixente sobre actividades molestas, insalubres, nocivas e perigosas, exponse ao público polo prazo de vinte días mediante anuncio no Diario Oficial de Galicia e no Boletín Oficial da provincia para que, quen se vexa afectado dalgún modo pola dita actividade, presente as observacións que considere pertinentes.

O expediente obxecto desta información pódese consultar nas oficinas municipais en horario de oficina.

Boiro, 15 de febreiro de 2013

Juan José Dieste Ortigueira
Alcalde