Estase a tramitar unha regularización, mediante concesión administrativa a favor de Ana, C.B., da ocupación dun almacén para gardar aparellos no porto de Muxía, segundo a memoria descritiva asinada polo arquitecto técnico José Antonio González del Oso (colexiado nº 1534) o 26 de novembro de 2010.

O que se fai público para os efectos previstos no artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro de Portos de Galicia, situadas na rúa Alférez Provisional, 5-1º, 15006 A Coruña, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia. A documentación está á disposición na web: www.portosdegalicia.com

A Coruña, 14 de decembro de 2012

Lorena Solana Barjacoba
Enxeñeira xefa da Zona Centro