Germán González Rodríguez (Gandeiros Estradenses, S.C.G.), solicitou desta alcaldía licenza municipal para a actividade de instalación de subministración de combustible a vehículos de cooperativa de gandeiros e legalización de cuberto na Abelleira, 10, Lamas, A Estrada. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este, que comezará a computarse desde o día seguinte ao da última inserción do presente edicto no Boletín Oficial da provincia e no Diario Oficial de Galicia, poidan examinar o expediente, no Departamento Municipal de Urbanismo, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que se consideren oportunas.

A Estrada, 22 de xaneiro de 2013

José C. López Campos
Alcalde presidente