Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Abelas Alexan, S.L.
Domicilio social: pol. indust. da Laracha, parcela B2, 15145 A Laracha.
Denominación: CS, LMTS e CT de 630 kVA para carpintaría metálica.
Situación: pol. indust. da Laracha, parcela B2, 15145 A Laracha.
Características técnicas: CS prefabricado con celas de entrada, saída e de remonte, 24 kV, 400 A. Liña soterrada de 82 m de lonxitude RHZ 3*(1*95 mm2 Al). CT prefabricado exterior, celas de liña, de proteccion e de medida 400 A, 24 kV, transformador 15/0,42 kV, aceite, 630 kVA.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 26 de febreiro de 2013
Susana Vazquez Romero
Xefa territorial da Coruña