Nos autos de xuízo verbal número 101/2011, seguidos por instancia do procurador Manuel J. Pedreira del Río, en nome e representación de Banco Popular Español, S.A., contra Joao Marcos Marcal da Silva, ditouse, con data do 16.9.2011, sentenza que contén o encabezamento e parte dispositiva que literalmente din:
Sentenza: 129/2011.
Procedemento: xuízo verbal 101/2011.
En nome da súa maxestade o rei.
Nuria Fachal Noguer, maxistrada xuíza do Xulgado de Primeira Instancia e Instrución número 1 de Betanzos e o seu partido xudicial, ditou a seguinte sentenza:
En Betanzos, 16 de setembro de 2011
Vistos por Nuria Fachal Noguer, maxistrada xuíza do Xulgado de Primeira Instancia e Instrución número 1 de Betanzos, os autos do xuízo verbal 101/2011 en que son partes a demandante Banco Popular Español, asistida polo letrado Sr. Castro Díaz e representada polo procurador Sr. Pedreira del Río, e o demandado Joao Marcos Marcal da Silva, en situación de rebeldía procesual.
Resolvo que, estimando integramente a demanda interposta por Banco Popular Español, asistida polo letrado Sr. Castro Díaz e representada polo procurador Sr. Pedreira del Río, contra o demandado Joao Marcos Marcal da Silva, en situación de rebeldía procesual, debo condenar e condeno a parte demandada a aboar á parte demandante a suma de 2.244,77 euros, máis os xuros de demora pactados contractualmente desde a data de peche da póliza de préstamo (6 de outubro de 2008), ata o completo pagamento do principal.
Todo isto con imposición de custas á parte demandada.
Notifíquese esta resolución ás partes.
Esta resolución non é firme. Contra ela cabe recurso de apelación que deberá prepararse neste xulgado no prazo de cinco días contados desde o seguinte á súa notificación.
Publicación. No mesmo día, en audiencia pública, foi lida e publicada a anterior sentenza polo xuíz que a ditou. Dou fe.
E, en cumprimento do acordado, para a súa publicación no Diario Oficial de Galicia, e para que sirva de notificación en forma ao demandado Joao Marcos Marcal da Silva, se expide o presente edicto.
Betanzos, 11 de xaneiro de 2013
A secretaria xudicial