De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,
DISPOÑO:
1. Notificar, mediante a presente cédula, a María Luísa Pasín Mato o Acordo do Xurado de Expropiación de Galicia do 11 de outubro de 2012 que fixa o prezo xusto do predio nº 3 sito en Santiago de Compostela, relativo ao proxecto 00946, expediente 2010/004095, cuxos datos se relacionan no anexo.
2. Contra esta resolución, que esgota a vía administrativa, a persoa interesada poderá interpoñer recurso potestativo de reposición, ante o mesmo órgano que a ditou, no prazo dun mes contado desde o día seguinte ao da súa notificación ou publicación, de acordo co previsto nos artigos 116 e 117 da LRXPAC. A persoa interesada poderá tamén interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata ser resolto o recurso de reposición ou se entendera presuntamente desestimado. O texto íntegro do acordo referido na presente cédula está a dispor da interesada nas dependencias do Xurado de Expropiación de Galicia, con enderezo no Edificio Administrativo de San Lázaro, s/n, 15703 Santiago de Compostela.
3. En consecuencia, para que conste e sirva de notificación á persoa expropiada, expido, asino e selo esta cédula.
Santiago de Compostela, 16 de xaneiro de 2013
Juan Carlos Argüello Fernández
Presidente do Xurado de Expropiación de Galicia
ANEXO
Proxecto para o cal se expropia: 00946-acceso ao SUP-2 (Cornes) desde a rúa García Prieto. TM Santiago de Compostela.
Nº de expediente: 2010/004095.
Persoa a notificar: María Luisa Pasín Mato.
Expropiante: Concello de Santiago de Compostela.
Expropiado: Comunidade Hereditaria de Jesús López Moure.
Beneficiario: Concello de Santiago de Compostela.
Predio nº: 3.
Concello: Santiago de Compostela.
Provincia: A Coruña.
Valoración da resolución do Xurado: 20.943,05 €.