Visto o artigo 5.7 do Decreto 442/1990, do 13 de setembro, de avaliación do impacto ambiental para Galicia (DOG nº 188, do 25 de setembro),
RESOLVO:
Dar publicidade mediante esta resolución á declaración de impacto ambiental formulada pola Secretaría Xeral de Calidade e Avaliación Ambiental no 4 de decembro de 2012, relativa ao proxecto do parque eólico do Sobredo, no concello de Arbo (Pontevedra), promovido por Parque Eólico O Sobredo, S.L., e que se poderá consultar na seguinte ligazón: http://www.cmati.xunta.es/resolucions-da-avaliacion-ambiental-de-proxectos, e nas dependencias da Dirección Xeral de Industria, Enerxía e Minas da Consellería de Economía e Industria, sitas no Edificio Administrativo de San Caetano, bloque 5, cuarto andar, en Santiago de Compostela.
Santiago de Compostela, 10 de xaneiro de 2013
Ángel Bernardo Tahoces
Director xeral de Industria, Enerxía e Minas