A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, polo que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo lles comunicarán aos organismos responsables, na comunidade autónoma, a homologación dos ditos cursos, e, no seu artigo 9, a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai a realizar.
En consecuencia, anúnciase a realización dun curso de aplicador/manipulador de biocidas, nivel cualificado, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Biocontrol e Calidade Alimentaria, S.L.U., de acordo coas seguintes bases:
1. Denominación do curso.
Curso para a capacitación de aplicadores/manipuladores de produtos biocidas de uso ambiental e na industria alimentaria, nivel cualificado.
2. Entidade organizadora.
Biocontrol e Calidade Alimentaria, S.L.U.
3. Datas.
Os días 15, 17, 19, 22, 24, 26 e 30 de abril e 2, 3, 6, 8 e 10 de maio de 2013.
4. Lugar de celebración.
Instalacións de Biocontrol e Calidade Alimentaria, S.L.U.
Avda. Primo de Rivera nº 4, 2º local 6-7.
15006 A Coruña.
5. Número de prazas.
Máximo 20 alumnos.
6. Destinatarios.
Todo o persoal auxiliar dos servizos de aplicación de biocidas de uso ambiental e na industria alimentaria, non clasificados como moi tóxicos, e o persoal de establecementos.
7. Criterios de selección.
Por rigorosa orde de recepción de inscricións.
8. Presentación de solicitudes.
Solicitude segundo o modelo anexo.
9. Programa.
Día 15.4.2013 |
|
16.00-21.30 h |
Biocidas. Concepto de biocida. Historia. Composición. Utilización de biocidas. Clasificación dos praguicidas. Lexislación aplicable aos biocidas. |
Día 17.4.2013 |
|
16.00-21.30 h |
Biocidas: clasificación – almacenaxe – transporte. Lexislación aplicable aos biocidas. A etiqueta dos envases dos praguicidas. Etiquetaxe. |
Día 19.4.2013 |
|
16.00-21.30 h |
Biocidas: formulación – preparación de biocidas. Lexislación de aplicación. Produtos utilizados. Práctica – preparación de disolucións. |
Día 22.4.2013 |
|
16.00-21.30 h |
Riscos para o home derivados do uso de biocidas. Prevención de riscos laborais. Relación traballo-saúde. Toxicidade dos biocidas. Estudos de letalidade. Efectos tóxicos. Seguridade laboral. Seguridade non laboral. Frases H. Frases P. |
Día 24.4.2013 |
|
16.00-21.30 h |
Hixiene e seguridade no manexo e aplicación de biocidas. Precaucións durante a utilización dos equipamentos. EPI de protección. Práctica: uso adecuado dos medios de protección persoal – tipos de máscaras, protectores oculares, luvas. |
Día 26.4.2013 |
|
16.00-21.30 h |
Técnicas de aplicación de biocidas. Descrición dos equipamentos mecánicos. Métodos de loita antivectorial: químicos e biólogos. Tipos de boquillas. |
Día 30.4.2013 |
|
16.00-21.30 h |
Criterios de prevención de intoxicación por praguicidas. Condutas a seguir no caso de intoxicación. Antídotos. Práctica: primeiros auxilios. Masaxe cardíaca. |
Día 2.5.2013 |
|
16.00-21.30 h |
As pragas. Historia ecolóxica das pragas. Clasificación e características. Pragas urbanas. Bioloxía das pragas urbanas. Pragas de interese en saúde pública. Pragas de insectos. Práctica: identificación. |
Día 3.5.2013 |
|
16.00-21.30 h |
As pragas. Clasificación e características. Pragas urbanas. Pragas de insectos e ácaros. Microorganismos produtores de enfermidades: bacterias, fungos. Práctica: identificación. |
Día 6.5.2013 |
|
16.00-21.30 h |
Pragas de roedores. Aves. Métodos de loita antivectorial. Métodos físicos e mecánicos. Métodos biolóxicos. Práctica: manexo de engados. |
Día 8.5.2013 |
|
16.00-21.30 h |
Biocidas e ambiente. Residuos de biocidas e contaminación. Medidas preventivas de contaminación do ambiente. Alteracións do equilibrio ecolóxico. |
Día 10.5.2013 |
|
16.00-21.30 h |
Biocidas e ambiente. Eliminación de envases. Pautas. Problemas derivados. Avaliación. |
10. Certificado de superación do curso.
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente con que lle poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel cualificado.
Santiago de Compostela, 8 de xaneiro de 2013
Manuel Antonio Varela Rey
Director xeral de Innovación e Xestión da Saúde Pública
ANEXO
Ficha de solicitude de inscrición
Curso para a capacitación de aplicadores/manipuladores de produtos biocidas. Nivel cualificado
Entidade organizadora: Biocontrol e Calidade Alimentaria, S.L.U.
Datas: os días 15, 17, 19, 22, 24, 26 e 30 de abril e 2, 3, 6, 8 e 10 de maio de 2013.
Lugar de realización do curso:
Instalacións de Biocontrol e Calidade Alimentaria, S.L.U.
Avda. Primo de Rivera nº 4, 2º local 6-7
15006 A Coruña
Duración: 60 horas teórico-prácticas e 1 hora de avaliación.
Horario: das 16.00 ás 21.30 h.
Nº de prazas: máximo 20 alumnos.
Presentación de solicitudes:
Enviaranse a Biocontrol, avda. Primo de Rivera nº 4, 2º local 6-7, 15006 A Coruña. Tel.: 981 24 54 18, fax: 981 16 81 59, correo electrónico biocontrol@biocontrolbcl.com, acompañado da seguinte documentación:
– Xustificante de ingreso de 520 euros/alumno na conta Biocontrol, S.L. do BBVA co número 0182-2201-45-0201581606
Data límite de presentación de solicitudes: ata o día 10 de abril de 2013 (5 de abril para empresas bonificadas).
Criterio de selección: por rigorosa orde de recepción da solicitude e xustificante de pagamento.
Empresa:
CIF:
Enderezo:
Localidade:
Telf.: Fax:
Enderezo de correo electrónico:
Apelidos:
Nome:
NIF: