Intentada a notificación persoal e devolta polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, modificada pola Lei 4/1999, mediante esta cédula notifícaselle á empresa relacionada no anexo a resolución recaída no expediente sancionador en materia de relacións laborais.
Faise saber que a dita resolución remata a vía administrativa e a interesada poderá impugnala perante os xulgados sociais, no prazo de dous meses contados desde a súa publicación, de acordo co disposto nos artigos 2.n) e 6.2.b) da Lei 36/2011, do 10 de outubro, reguladora da xurisdición social.
Advírteselle que terá que aboar a multa imposta mediante a necesaria utilización do impreso que poderá solicitar na correspondente xefatura territorial da Consellería de Traballo e Benestar, no número de conta, na entidade bancaria e prazo que nel se sinala, dentro do prazo de pagamento do período voluntario, xa que noutro caso incoarase o procedemento pola vía de constrinximento.
Santiago de Compostela, 20 de decembro de 2012
Odilo Martiñá Rodríguez
Director xeral de Traballo e Economía Social
ANEXO
Empresa: Isolino Nieto Caamaño.
Enderezo: praza de Pontevedra, 14-16, portal 1, 7º B, A Coruña.
Nº expte.: 2011/0313-1.
Acta de infracción: 81426/2011/1/T.
Data resolución Dirección Xeral: 15 de outubro de 2012.
Preceptos infrinxidos: artigos 4.2.f) e 29.1 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e artigo 6 do Real decreto 1424/1985, do 1 de agosto, polo que se regula a relación laboral de carácter especial do servizo do fogar familiar.
Preceptos sancionadores: artigo 8.1 do Real decreto lexislativo 5/2000, do 4 de agosto, polo que se aproba o texto refundido da Lei sobre infraccións e sancións na orde social.
Sanción imposta: 6.251 euros.