Socorro Bazarra Varela, secretaria xudicial da Sección Primeira da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 4255/2012 MCR desta sección, seguido por instancia de Joaquín de Oliveira Domingues contra a empresa Aluminios Hermanos Fernandes Viso, S.L., Aluminios Caldeva, S.L., Orema Soluciones Industriales, S.L.U., sobre resolución de contrato, se ditou resolución coa seguinte parte dispositiva:
«Resolvemos que, desestimando o recurso de suplicación interposto por Joaquín de Oliveira Domingues contra a sentenza do 25.6.2012, ditada polo Xulgado do Social número 2 de Ourense, en xuízo seguido por instancia do demandante contra Aluminios Hermanos Fernandes Viso, S.L., Aluminios Caldeva, S.L., Orema Soluciones Industriales, S.L.U., debemos confirmar e confirmamos a sentenza contra a cal se recorreu.
Incorpórese o orixinal desta sentenza, pola súa orde, ao libro de sentenzas deste Tribunal Superior de Xustiza de Galicia, Sala do Social.
Modo de impugnación: fáiselles saber ás partes que contra esta sentenza cabe interpor recurso de casación para a unificación de doutrina, que se debe preparar mediante escrito presentado ante esta sala do social dentro do improrrogable prazo de dez días hábiles inmediatos seguintes á data de notificación desta sentenza. Se o recorrente non tiver a condición de traballador ou beneficiario do réxime público da seguridade social, deberá consignar a cantidade de 600 euros en concepto de depósito para recorrer, na conta de consignacións desta sala-sección, aberta en Banesto co número 1552, debendo indicar no campo concepto «Recurso», seguida do código «35 Social Casación». Se o ingreso se fai mediante transferencia bancaria, deberá incluír, tras a conta referida, separados por un espazo, o código «35 Social Casación». Se efectúa diversos pagamentos na mesma conta, deberá especificar un ingreso por cada concepto, mesmo se corresponden a outros recursos da mesma ou distinta clase, indicando no campo de observacións a data da resolución contra a cal se recorreu, utilizando o formato dd/mm/aa. Quedan exentos do seu aboamento, en todo caso, o Ministerio fiscal, o Estado, as comunidades autónomas, as entidades locais e os organismos autónomos dependentes deles.
Así, por esta nosa sentenza, pronunciámolo, mandámolo e asinámolo».
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamentos.
E para que conste e sirva de notificación a Orema Soluciones Industriales, S.L.U., Aluminios Hermanos Fernandes Viso, S.L. e Aluminios Caldeva, S.L., expido e asino a presente.
A Coruña, 29 de novembro de 2012
A secretaria xudicial
