Despois de solicitar desta alcaldía Marta Blanco Vispo, en representación de European Minkfarm Rooijakkers, licenza municipal para a construción de naves agrícolas para a ampliación de explotación de cría de visóns que se situará no monte Xalo, parroquia de Paleo (Santo Estevo), cumprindo o disposto no artigo 8 punto 3 do Decreto 133/2008, do 12 de xuño, de avaliación de incidencia ambiental, sométese a información pública por período de vinte días, co fin de que durante este, que comezará a contarse desde o día seguinte ao da inserción deste edicto no Diario Oficial de Galicia, poida examinarse o expediente na secretaría deste concello polas persoas que, dalgún modo, se consideren afectadas pola actividade que se pretende instalar e formular por escrito as reclamacións ou observacións que estimen oportunas.
Carral, 8 de novembro de 2012
José Luis Fernández Mouriño
Alcalde