Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: novo centro de transformación e alimentación a 15 kV situado na rúa Montes.

Situación: concello da Coruña.

Características técnicas:

Liña eléctrica de media tensión subterránea (LMTS) a 15/20 kV, cunha lonxitude de 0,042 km, coa orixe en empalmes que se van realizar na LMT EIR-705 entre os CCTT Castrillón, 4 (expediente IN407A 305/2004) e CT Travesía Montiño (expediente IN407A 235/2005), en condutor RHZ1-2OL 12/20 kV 3(1×240) mm² Al, e final na mesma liña unha vez entre e saía do CT proxectado.

Centro de transformación non prefabricado, cunha potencia de 400 kVA e relación de transformación de 15/0,400-0,230 kV.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 16 de novembro de 2012

Susana Vázquez Romero
Xefa territorial da Coruña