Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: cambio de caseta a aéreo do CT serradoiro Estacas.

Situación: Cuntis.

Características técnicas: LMT aérea a 20 kV con condutor tipo LA-56 de 19 metros de lonxitude, con orixe no apoio existente CH-1000/17,5 da LMTA LES809 Vea-Cuntis-Cog. Cocarga 9 e final no CT proxectado serradoiro Estacas. Centro de transformación aéreo de 50 kVA, RT 20 kV/400-230 V, situado no lugar de Teaño, Estacas, concello de Cuntis.

Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo, avda. Fernández Ladreda, 43-5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 21 de novembro de 2012

Ignacio Rial Santomé
Xefe territorial de Pontevedra