O Decreto 310/2009, do 28 de maio, polo que se establece a estrutura orgánica da Consellería de Sanidade, establece no seu artigo 4.2.d) a competencia da Secretaría Xeral Técnica da Consellería de Sanidade para a iniciación, de oficio ou por proposta do organismo autónomo Servizo Galego de Saúde, dos procedementos sancionadores a establecementos farmacéuticos, así como as funcións que lle atribúen as normas reguladoras das oficinas de farmacia; dos servizos de farmacia e depósitos de medicamentos nas estruturas de atención primaria; das boticas anexas e dos establecementos de fabricación, distribución e de venda de produtos sanitarios.

No exercicio da dita competencia, procede incoar expediente sancionador (número 5/12 AF) ao almacén farmacéutico Celtifarma, S.L., sito na rúa Abeledos, 148 (Monforte de Lemos).

O 3 de decembro de 2012, o secretario xeral técnico desta consellería puxo no meu coñecemento a concorrencia de causa de abstención prevista no artigo 28.2 da Lei 30/1992, do 26 de novembro, de réxime xurídico das administracións públicas e do procedemento administrativo común, tal como prevé a norma indicada.

Tendo en conta o anterior,

ACORDO:

Admitir a concorrencia da causa de abstención comunicada polo secretario xeral técnico para a incoación de expediente sancionador (número 5/12 AF) ao almacén farmacéutico Celtifarma, S.L., sito na rúa Abeledos, 148 (Monforte de Lemos), e encomendoulle á persoa titular da Dirección Xeral de Innovación e Xestión da Saúde Pública a tramitación do citado expediente, de conformidade co previsto no artigo 28.1 da Lei 30/1992, do 26 de novembro, de réxime xurídico das administracións públicas e do procedemento administrativo común.

O presente acordo notificarase aos interesados no procedemento sancionador antes indicado.

Santiago de Compostela, 3 de decembro de 2012

Rocío Mosquera Álvarez
Conselleira de Sanidade