De conformidade coa proposta elevada polo tribunal cualificador das probas selectivas para cubrir unha praza da categoría profesional de técnico superior investigación, espectrometría de masas e proteómica, grupo I, polas quendas de promoción interna e de acceso libre, convocadas por Resolución do 21 de febreiro de 2012 (DOG do 12 de marzo e BOE do 31 de marzo), comprobado que a persoa aspirante reúne os requisitos exixidos na base 2 da convocatoria,
O reitor, de conformidade co disposto no artigo 87.j) dos Estatutos da USC,
Resolve:
Primeiro. Aprobar a proposta feita polo tribunal cualificador e contratar como persoal laboral fixo na categoría de técnico superior de investigación, espectrometría de masas e proteómica, o aspirante que superou o proceso selectivo pola quenda de promoción interna e que se relaciona no anexo desta resolución.
Segundo. A persoa seleccionada formalizará o seu contrato no Servizo de Xestión de Persoal, situado na Casa da Balconada (Rúa Nova, nº 6, Santiago de Compostela) no prazo dun mes, contado a partir do día seguinte ao da publicación desta resolución no Diario Oficial de Galicia.
Terceiro. Contra a presente resolución, que esgota a vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer recurso potestativo de reposición no prazo de un mes perante o órgano que a ditou. Neste caso non se poderá interpoñer o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 19 de novembro de 2012
Juan José Casares Long
Reitor da Universidade de Santiago de Compostela
ANEXO
Categoría laboral: técnico superior de investigación, espectrometría de masas e proteómica.
Posto: responsable de espectrometría de masas.
Quenda: promoción interna.
Número de orde: 1.
Apelidos e nome: Guitián Fernández, Esteban.
DNI: 33272030-T.