No perfil do contratante publícanse íntegros os pregos de condicións para a contratación, mediante procedemento aberto, do servizo de limpeza do pazo provincial da Deputación Provincial de Ourense durante o ano 2013, cun tipo de licitación de 129.480,00 € (IVE e demais tributos incluídos), cifrándose o valor estimado do contrato na cantidade de 107.008,26 € e o IVE aplicable en 22.471,74 €. As proposicións presentaranse ata as 14.00 horas do décimo quinto (15º) día natural contado desde o seguinte ao da publicación deste anuncio, no Rexistro da Deputación Provincial de Ourense. A apertura de proposicións terá lugar de conformidade co disposto na cláusula XIII do prego de condicións. A documentación necesaria e demais datos figuran no mencionado prego de condicións, que lles será facilitado gratuitamente aos que o soliciten, no Rexistro da Deputación Provincial de Ourense, rúa Progreso, nº 32 ou por teléfono: 988 38 52 02 e fax: 988 38 51 84 ou na páxina web da deputación www.depourense.es
Ourense, 14 de novembro de 2012
José Manuel Baltar Blanco
Presidente da Deputación Provincial de Ourense