Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:

Solicitante: Electra de Santa Comba, S.L.

Domicilio social: rúa Miraflores, 20 baixo, 15840 Santa Comba.

Denominación: LMTS Devesa-CT Esmorode.

Situación: Santa Comba.

Características técnicas: LMTS coa orixe nunha cela que se vai instalar no centro de transformación e seccionamento existente. CT Devesa (nº expte. IN407A 124/2011) e rematará noutra cela que se instalará no centro de transformación e seccionamento existente CT Esmorode (nº expte. 417/2004). A tensión nominal é de 20 kV, o tipo de condutor é RHZ1 2OL 12/20 kV 240 mm2 Al cunha distancia de 671 m.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita no Edificio Administrativo de Monelos, rúa Vicente Ferrer, 2, 2º andar, 15071 A Coruña, no prazo de vinte días, a partir da última publicación.

A Coruña, 7 de novembro de 2012

Susana Vázquez Romero
Xefa territorial da Coruña