Intentada mediante correo certificado a notificación de orde de desaloxo (data do aviso de recepción do 14.6.2011) e non sendo posible por resultar ausente no seu domicilio, por medio desta cédula ponse en coñecemento que o día 31.12.2008 finalizou o prazo da autorización temporal do departamento nº 49 no porto de Barizo, ao non presentar a documentación solicitada.
Polo exposto, esta xefatura de zona, no que resulta da súa competencia,
RESOLVE:
Emitir orde de desaloxo inmediato do referido departamento o día seguinte da publicación deste anuncio no Diario Oficial de Galicia. De non proceder ao desaloxo inmediato, aplicarase o disposto na regra 9ª da tarifa E-2 da Lei 6/2003, de taxas, prezos e exaccións reguladoras da Comunidade Autónoma de Galicia, que di: «… No caso de ocupación de superficie sen contar con esta autorización, a tarifa que se aplicará durante o prazo de ocupación será o quíntuplo da que con carácter xeral lle correspondería…» ata que se efectúe o desaloxo por vostede, feito que deberá comunicar ao persoal de Portos de Galicia. No caso contrario, seguirase aplicando o disposto anteriormente, sen perxuízo da sanción que poida proceder.
Importe mensual da regra 10ª da tarifa E-2:
12 m2 × 0,038749 €/m2/día × 5=2,32494 €/día + IVE
No caso de non levar a cabo o desaloxo voluntario, Portos de Galicia reserva para si o dereito de efectualo á súa custa, pasándolle posteriormente os gastos orixinados e non responsabilizándose Portos de Galicia polos danos causados na retirada e transporte dos obxectos.
Contra esta orde, que non esgota a vía administrativa, cabe interpoñer recurso de alzada perante a Dirección do ente público no prazo de un (1) mes a partir da súa recepción, de acordo co disposto na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 31 de outubro de 2012
Lorena Solana Barjacoba
Enxeñeira xefa da Zona Centro de Portos de Galicia