Ás 12.00 horas do día 18 de decembro de 2012 terá lugar no salón de actos do edificio administrativo situado na rúa Concepción Arenal nº 8 de Vigo, perante a mesa presidida polo subdirector xeral do Patrimonio, coa asistencia dun letrado da Asesoría Xurídica da Xunta de Galicia, un representante da Intervención Xeral da Comunidade Autónoma e un funcionario da Secretaría Xeral Técnica e do Patrimonio, que actuará como secretario, a primeira poxa pública do seguinte lote de bens inmobles patrimoniais da Comunidade Autónoma de Galicia, dos que foi acordado o seu alleamento pola Orde da Consellería de Facenda do 20 de xullo de 2012.
Trátase de dous pisos conectados (segundo esquerda e segundo dereita), situados na rúa Uruguai nº 4 de Vigo, cunha extensión superficial de 281 m2.
Inscritos no Rexistro da Propiedade nº 1 de Vigo, como predios 25.118 e 25.119 no libro 59. Referencias catastrais: 3362002NG2736S0006YW e 3362002NG2736S0007UE.
Tipo de licitación: 477.700 euros.
Para tomar parte na poxa é requisito indispensable consignar o 20 % da cantidade sinalada como tipo de licitación do inmoble perante a mesa, ou acreditar que se depositou tal cantidade na Tesouraría Xeral da Xunta de Galicia á disposición da Secretaría Xeral Técnica e do Patrimonio.
Serán pola conta do adxudicatario os custos do anuncio así como os orixinados pola adxudicación e formalización da escritura pública de venda; os demais gastos e impostos derivados da transmisión serán de aplicación conforme o disposto na lei.
O prego de condicións que rexe o presente alleamento está á disposición dos interesados na Subdirección Xeral do Patrimonio, rúa da Pastoriza, nº 8, 2º andar (Santiago de Compostela), así como na páxina web da Consellería de Facenda (http://www.conselleriadefacenda.es).
Para poder visitar os pisos deberase concertar cita previa. Teléfonos de información: 881 99 90 55/981 54 41 51.
Santiago de Compostela, 17 de outubro de 2012
María del Socorro Martín Hierro
Secretaria xeral técnica e do Patrimonio da Consellería de Facenda