Solicitado desta alcaldía por Norvento Ned Factory, S.L.U., con CIF B27428648, licenza municipal para a ampliación de actividade para fabricación de pas para aeroxeradores nunha industria de ensamblaxe de compoñentes para aeroxeradores no polígono industrial, parcelas 13 e 14 (2ª ampliación do polígono industrial de Vilalba), e en cumprimento o disposto no artigo 8, número 3, do Decreto 133/2008, de 12 de xuño, polo que se regula a avaliación de incidencia ambiental, sométese a información pública por período de 20 días (contados a partir da última publicación deste edicto no DOG e no BOP), coa finalidade de que durante este período poidan examinar o expediente, na Secretaría deste concello, as persoas que dalgunha maneira se consideren afectadas polas actividades que se pretenden instalar e formular por escrito as reclamacións e observacións que se xulguen oportunas.
Vilalba, 15 de outubro de 2012
Gerardo Criado Guizán
Alcalde