A aprobación da modificación da relación de postos de traballo da Consellería de Traballo e Benestar xustifícase polas necesidades organizativas e funcionais da consellería.
En consecuencia, por proposta da Consellería de Traballo e Benestar, unha vez consultadas as organizacións sindicais presentes na Mesa Xeral de Negociación da comunidade autónoma e a Comisión de Persoal, o Consello da Xunta de Galicia, na súa reunión do día 30 de outubro de 2012, adoptou o seguinte
ACORDO:
Primeiro. Apróbase a modificación da relación de postos de traballo da Consellería de Traballo e Benestar nos termos que se sinalan no anexo a este acordo.
Segundo. De conformidade co artigo 30 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, poderase cubrir polo sistema de libre designación con convocatoria pública o posto de traballo que a seguir se indica. Os motivos que o xustifican son o seu carácter directivo, así como a súa especial responsabilidade. O Centro Galego de Desenvolvemento Integral realizará actuacións para promover a autonomía persoal e ofrecer o apoio necesario nas situacións de dependencia, incluíndo os servizos de rehabilitación e mantemento físico e social (centro de día), servizos residenciais para estudantes, servizos de inserción social e laboral, servizos de recursos á comunidade, servizos de formación e centro de referencia, investigación, desenvolvemento e innovación en axudas técnicas para persoas con discapacidade.
|
Código |
Denominación |
Motivación |
|
TR.C03.00.007.15770.001 |
Director/a |
• Carácter directivo. Especial responsabilidade. |
Terceiro. Ordénase a súa publicación no Diario Oficial de Galicia para os efectos da súa entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 30 de outubro de 2012, relativo á aprobación da modificación da relación de postos de traballo da Consellería de Traballo e Benestar, coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 2 de novembro de 2012
Elena Muñoz Fonteriz
Conselleira de Facenda
