Recibido neste centro directivo escrito do Xulgado do Contencioso-Administrativo número 1 de Santiago de Compostela no que se solicita a remisión do expediente administrativo correspondente á Resolución do 22 de maio de 2012, da Dirección Xeral de Administración Local, publicada no DOG número 107, do 6 de xuño, pola que se fai pública a lista definitiva de aprobados no proceso selectivo para o acceso á categoría superior da subescala de Intervención-Tesouraría da escala de funcionarios con habilitación de carácter estatal, por ter acordado a ampliación do recurso que motivou a apertura do procedemento abreviado 185/2012, de Sebastián Gracia Santuy contra a Dirección Xeral de Administración Local e segundo o disposto no artigo 49 da Lei 29/1998, do 13 de xullo, reguladora da xurisdición contencioso-administrativa, achégase copia autentificada da ampliación do expediente, debidamente foliado e co índice correspondente.

En consecuencia, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, esta dirección xeral, no uso das competencias que lle atribúe o artigo 15.1º do Decreto lexislativo 1/2008, do 13 de marzo, polo que se aproba o texto refundido da Lei de función pública de Galicia, en relación coa Orde do 22 de setembro de 2011, sobre delegación de competencias,

RESOLVE:

Acordar nesta data a remisión do correspondente expediente administrativo ao referido xulgado, o que se notifica para xeral coñecemento de todas as persoas interesadas no procedemento e se emprazan para que poidan comparecer como parte nos autos no Xulgado do Contencioso-Administrativo número 1 de Santiago de Compostela, no prazo de 9 (nove) días, contados desde o seguinte ao da publicación desta resolución no Diario Oficial de Galicia.

Santiago de Compostela, 19 de outubro de 2012

José Norberto Uzal Tresandí
Director xeral de Administración Local