Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: LMTS, CTC bombeo Chanteiro.

Situación: concello de Ares.

Características técnicas:

Liña eléctrica de media tensión subterránea, a 15/20 kV, cunha lonxitude de 0,024 km, coa orixe no paso aéreo-subterráneo que se realizará nun apoio existente s/n da LMT VDC-705, onde está ubicado o CT intemperie Chanteiro-Praia (expte.: 85/00), que se vai retirar, condutor tipo RHZ1-2OL-12/20 kV, 3 (1×240 mm² Al), e final no CTC bombeo Chanteiro (proxectado).

Centro de transformación prefabricado, cunha potencia de 250 kVA, e unha relación de transformación de 15.000/400-230 V.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 2º andar, 15071 A Coruña, no prazo de vinte días, a partir da última publicación.

A Coruña, 26 de setembro de 2012

Susana Vázquez Romero
Xefa territorial da Coruña