A Xunta de Goberno Local, na sesión que tivo lugar o día 13 de setembro de 2012, adoptou o seguinte acordo:
a) Aprobar inicialmente a modificación puntual do Plan parcial do SUNP-22 no ámbito do quinteiro 16, segundo o proxecto presentado o 29 de agosto de 2012 por Álvaro Fernández Carballada, sen prexuízo de lle dar cumprimento ao indicado pola Sección de Cartografía e SIC.
b) En cumprimento do disposto polo artigo 86.1.a) da Lei de ordenación urbanística e protección do medio rural de Galicia (LOUG), o expediente someterase á información pública durante o prazo dun mes, mediante anuncio que para o efecto se publicará no Diario Oficial de Galicia e en dous dos xornais dos de maior circulación na provincia. Simultaneamente, practicarase notificación individualizada a todos os propietarios dos terreos afectados, segundo figuren no catastro.
c) Así mesmo, durante o trámite de información pública solicitaranse os informes sectoriais preceptivos do artigo 86.1.b) da LOUG.
Durante o prazo dun mes, contado desde o día seguinte ao da publicación deste anuncio no Diario Oficial de Galicia, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.
Santiago de Compostela, 25 de setembro de 2012
Ángel Currás Fernández
Alcalde