De conformidade co establecido nos artigos 51, 52 e 53 do Real decreto 1451/2005, do 7 de decembro, polo que se aproba o Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza, e da Resolución do 22 de maio de 2012, da Dirección Xeral de Xustiza, pola que se convocaban a concurso de traslado, postos xenéricos vacantes no Instituto de Medicina Legal de Galicia, entre os funcionarios do corpo de médicos forenses (BOE e DOG do 18 de xuño), esta dirección xeral acorda:

Primeiro. Resolver o concurso de traslado adxudicando os postos convocados aos médicos forenses que se relacionan no anexo I. Decláranse desertos os postos relacionados no anexo II.

Segundo. O prazo para tomar posesión do novo destino obtido será de tres días naturais se non implica cambio de localidade do funcionario; de oito días se implica cambio de localidade dentro da comunidade autónoma e de vinte días naturais se implica cambio de comunidade autónoma, con excepción da Comunidade Autónoma de Canarias, Comunidade Autónoma das Illes Balears, da Cidade de Ceuta e mais da Cidade de Melilla lugares nos cales será dun mes, tanto se o posto de traballo é de orixe coma se é de destino. Cando o adxudicatario de praza obteña coa súa toma de posesión o reingreso no servizo activo o prazo será de vinte días.

O prazo para a toma de posesión comezará a contar a partir do día seguinte ao do cesamento, que se deberá efectuar dentro dos tres días hábiles seguintes ao da publicación da resolución do concurso no Boletín Oficial del Estado, se esta non é simultánea á do Diario Oficial de Galicia. Se a resolución comporta reingreso ao servizo activo, o prazo de toma de posesión deberase computar desde a devandita publicación.

O prazo posesorio será retribuído pola Administración competente respecto da praza obtida no concurso.

O cómputo dos prazos posesorios iniciarase cando rematen os permisos ou licenzas, incluídos os de vacacións, que lles fosen concedidos aos interesados.

Contra a presente resolución, que esgota a vía administrativa, poderase interpoñer recurso potestativo de reposición ante el director xeral de Xustiza no prazo dun mes, conforme o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou recurso contencioso-administrativo ante a xurisdición competente no prazo de dous meses, segundo o establecido na Lei reguladora da xurisdición contencioso-administrativa, ambos prazos contados a partir do día seguinte á publicación da presente resolución no Boletín Oficial del Estado se esta non é simultánea á do Diario Oficial de Galicia.

Santiago de Compostela, 14 de setembro de 2012

Juan José Martín Álvarez
Director xeral de Xustiza

ANEXO I
Adxudicacións

ANEXO II
Prazas desertas