No Boletín Oficial da provincia de Lugo número 204, do 4 de setembro de 2012, publícanse integramente as bases da convocatoria de varios procesos selectivos convocados para cubrir as seguintes prazas vacantes no cadro de persoal funcionario e laboral deste Concello, incluídas en diversas ofertas de emprego público:
Persoal funcionario:
– 1 praza de técnico de xestión, encadrada na escala de Administración xeral, subescala xestión, integrada no grupo A - subgrupo A2, mediante o sistema de concurso-oposición, por quenda libre.
– 1 praza de encargado/a de biblioteca municipal, encadrada na escala de administración especial, integrada no grupo C - subgrupo C1, mediante o sistema de concurso-oposición, por quenda de promoción interna.
Persoal laboral fixo:
– 1 praza de maquinista-condutor/operario de servizos múltiples, mediante o sistema de concurso-oposición, por quenda libre.
– 1 praza de operario de servizos múltiples, mediante o sistema de concurso-oposición, por quenda libre.
O prazo de presentación de solicitudes será de vinte días naturais, contados a partir do día seguinte ao da publicación deste anuncio no Boletín Oficial del Estado.
Os sucesivos anuncios desta convocatoria, cando procedan, de conformidade coas bases, publicaranse no BOP de Lugo e/ou no taboleiro de edictos do Concello.
Alfoz, 5 de setembro de 2012
Emilio Lousas Muíña
Alcalde