A representante da titularidade do centro privado (CPR) Vivas, do concello de Vigo, solicita a supresión do ciclo formativo de grao medio de Xestión administrativa autorizado en quenda de tarde-noite; e a autorización do ciclo formativo de grao medio de Farmacia e parafarmacia en quenda de tarde-noite.
A Xefatura Territorial da Consellería de Cultura, Educación e Ordenación Universitaria de Pontevedra achega o expediente cos correspondentes informes de acordo co Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias e coa Orde do 20 de setembro de 1995, que o desenvolve.
Por isto, por proposta da Dirección Xeral de Centros e Recursos Humanos,
DISPOÑO:
Primeiro.
1. Suprimir o ciclo formativo de grao medio de Xestión administrativa en quenda de tarde-noite no CPR Vivas.
2. Autorizar o ciclo formativo de grao medio de Farmacia e parafarmacia en quenda de tarde-noite, no centro privado que se sinala:
Denominación: CPR Vivas.
Código do centro: 36011521.
Domicilio: rúa Príncipe, 17.
Localidade: Vigo.
Concello: Vigo.
Provincia: Pontevedra.
Titular: Colegio Vivas, S.L.
Composición resultante:
– Quenda de mañá:
• 1 ciclo formativo de grao medio de Coidados auxiliares de enfermaría (1 unidade para 20 alumnos/as).
• 1 ciclo formativo de grao medio de Farmacia e parafarmacia (2 unidades para 30 alumnos/as cada unha).
• 1 ciclo formativo de grao medio de Sistemas microinformáticos e redes (2 unidades para 20 alumnos/as cada unha).
• 1 ciclo formativo de grao medio de Xestión administrativa (2 unidades para 30 alumnos/as cada unha).
• 1 ciclo formativo de grao superior de Administración e finanzas (2 unidades para 30 alumnos/as cada unha).
• 1 ciclo formativo de grao superior de Desenvolvemento de aplicacións multiplataforma (2 unidades para 30 alumnos/as cada unha).
• 1 ciclo formativo de grao superior de Anatomía patolóxica e citoloxía (2 unidades para 30 alumnos/as cada unha).
– Quenda de tarde-noite:
• 1 ciclo formativo de grao medio de Farmacia e parafarmacia (2 unidades para 30 alumnos/as cada unha).
• 1 programa de cualificación profesional inicial (PCPI) de Servizos administrativos.
Segundo. Antes da posta en funcionamento das ensinanzas que se autorizan, a Xefatura Territorial de Pontevedra, logo do informe do Servizo Territorial de Inspección Educativa, aprobará expresamente a relación de persoal que impartirá docencia.
Terceiro. O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 14 de setembro de 2012
Jesús Vázquez Abad
Conselleiro de Cultura, Educación e Ordenación Universitaria
