Segundo o que se indica no artigo 7.2 do Real decreto 509/2007, do 20 de abril, polo que se aproba o Regulamento para o desenvolvemento e execución da Lei 16/2002, do 1 de xullo, de prevención e control integrados da contaminación, faise público que, por espazo de trinta (30) días hábiles contados a partir do día seguinte ao da publicación deste anuncio, quedará exposta a documentación correspondente á solicitude de renovación da autorización ambiental integrada para as instalacións que Jealsa Rianxeira, S.A. posúe en Bodión, concello de Boiro, co fin de que calquera interesado poida consultala e, se é o caso, formular as alegacións, suxestións e/ou observacións que considere convenientes. A documentación que se expón será:
– Fábrica de conservas de atún e de produtos conxelados non precociñados Jealsa Rianxeira. Proxecto básico de solicitude de renovación da autorización ambiental integrada.
O antedito documento estará á disposición dos interesados en horario de atención ao público nas seguintes dependencias:
– Secretaría Xeral de Calidade e Avaliación Ambiental-Servizo de Prevención e Control Integrados da Contaminación (San Lázaro, s/n, 15781 Santiago de Compostela).
– Xefatura Territorial da Consellería de Medio Ambiente, Territorio e Infraestruturas da Coruña, Servizo de Calidade e Avaliación Ambiental (rúa de Vicente Ferrer, 2, 15008 A Coruña).
– Concello de Boiro (praza de Galicia s/n).
Santiago de Compostela, 6 de setembro de 2012
Justo de Benito Basanta
Secretario xeral de Calidade e Avaliación Ambiental