Pola Resolución do 25 de xuño de 2012 regúlase a selección das entidades colaboradoras na xestión das subvencións para garantir o acceso á internet de banda larga vía satélite, cofinanciadas co Feader, en réxime de concorrencia non competitiva, apróbanse as bases reguladoras das ditas subvencións e convócanse para o ano 2012 (DOG nº 127, do 4 de xullo).

Con data do 6 de setembro de 2012 resolveuse estimar seis solicitudes de obtención da condición de entidade colaboradora e o 11 de setembro asináronse os convenios de colaboración entre Agader e as entidades colaboradoras, de acordo co previsto no artigo 12 das bases reguladoras.

Segundo dispón o punto terceiro da Resolución do 25 de xuño polo que se convocan as subvencións para o ano 2012, o prazo para presentar solicitudes de axuda comezará o día seguinte ao da publicación no DOG da relación de entidades colaboradoras seleccionadas. A presentación de solicitudes realizarase necesariamente a través de calquera das entidades colaboradoras seleccionadas.

De acordo co anterior,

RESOLVO:

Facer público, no Diario Oficial de Galicia e na páxina web de Agader http://agader.xunta.es, o resultado do proceso de selección das entidades colaboradoras na xestión das subvencións para garantir o acceso á internet de banda larga vía satélite.

A relación de entidades colaboradoras seleccionadas xúntase a esta resolución como anexo.

Santiago de Compostela, 11 de setembro de 2012

Antonio Crespo Iglesias
Director xeral da Axencia Galega de Desenvolvemento Rural

ANEXO