Anuncio de provisión de dúas vacantes de académicos de número, unha correspondente ao grupo de licenciados en Farmacia e unha en Ciencias Afíns, medallas 24 e 25, respectivamente, en posesión do título de doutor.

As solicitudes virán acompañadas dos seguintes documentos:

– Solicitude dirixida ao presidente da Academia de Farmacia de Galicia, en que conste a condición de ser español, residente en Galicia, compromiso de aceptar os procedementos internos da Academia e número de medalla ou medallas a que opta.

– Candidatura avalada por tres académicos de número, ou dous de número e un emérito.

– Currículum vitae, cunha extensión máxima de 10 páxinas DIN A-4 e en formato dixital.

A presentación de solicitudes farase por correo certificado dirixido á Secretaría da Academia de Farmacia de Galicia, sita na rúa de San Roque nº 2, 15704 Santiago de Compostela, no prazo de 15 días hábiles contados a partir da data de publicación no Diario Oficial de Galicia.

Santiago de Compostela, 23 de agosto de 2012

Isaac Arias Santos
Presidente da Academia de Farmacia de Galicia