Argali Sistemas, S.L. solicitou desta Alcaldía licenza municipal para o proxecto de acondicionamento de nave industrial para unha actividade de exposición, venda e taller de produtos de ferro e aceiro inoxidable, na parcela C-01 do parque empresarial de Castro de Ribeiras de Lea, do concello de Castro de Rei.

En cumprimento do disposto no artigo 8 do Decreto 133/2008, do 12 de xuño, no que se regula a avaliación de incidencia ambiental, sométese a información pública durante un prazo de vinte (20) días hábiles, co fin de que durante este período –que comezará a contar desde o día seguinte ao da última publicación deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.

Castro de Rei, 6 de setembro de 2012

Francisco Javier Balado Teijeiro
Alcalde