En cumprimento do disposto no número 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese á información pública o expediente núm. 2010/047/27 que se tramita por instancia de Mª Eugenia Gayol López, en representación de Ati Sistemas, S.L., para a concesión de licenza de apertura e funcionamento dunha instalación de montaxes e mantementos industriais, que se vai instalar na parcela I-5 do polígono industrial de Bergondo, deste termo municipal.
Durante o prazo de vinte días contados a partir do seguinte ao da última publicación deste edicto no Boletín Oficial da provincia ou no Diario Oficial de Galicia, o expediente atópase á disposición do público no Servizo de Urbanismo deste concello, co fin de que quen se considere afectado pola actividade poida examinalo e deducir, de ser o caso, as alegacións ou observacións que teñan por conveniente.
Bergondo, 2 de maio de 2012
Alejandra Pérez Máquez
Alcaldesa