Aprobados os pregos de cláusulas administrativas particulares e de prescricións técnicas que rexen a contratación do servizo de arrendamento dun inmoble, con mobles incluídos, para as dependencias da Xerencia de Urbanismo do Concello de Sanxenxo anúnciase a convocatoria para a súa contratación.

1. Obxecto: a contratación do servizo de arrendamento dun inmoble, con mobles incluídos, para as dependencias da Xerencia de Urbanismo do Concello de Sanxenxo.

2. Duración do contrato e prezo de licitación: o orzamento máximo de licitación por mes de 1.700 € (IVE incluído) (12 meses), de 1.404,96 €/mes, sen incluír o imposto sobre o valor engadido (en diante IVE), o IVE (21 %) ascende a 295,04 €/mes e o orzamento máximo de licitación por ano (12 meses), sen IVE, é de 16.859,50 €/ano, o IVE ascende a 3.540,50 €/ano. O orzamento anual con IVE é de 20.400,00 €/ano. O valor estimado do contrato (duración catro anos a partir do 25 de setembro de 2012) é de 67.438,00 €, o IVE ascende a 14.162,00 € e o valor estimado, co IVE, é de 81.600,00 €.

3. Procedemento e tramitación: a adxudicación realizarase mediante tramitación ordinaria e procedemento aberto (con multiplicidade de criterios de valoración).

4. Lugar e prazo de presentación das ofertas: as proposicións presentaranse no Rexistro Xeral do Concello de Sanxenxo das 9.00 ás 14.00 horas, agás o sábado que será das 9.00 ás 13.00 horas dentro do prazo de quince (15) días, contados desde o día seguinte ao da publicación do anuncio no Boletín Oficial da provincia de Pontevedra, Diario Oficial de Galicia e no perfil do contratante do órgano de contratación que figura na páxina web do concello, www.sanxenxo.es. O cómputo de prazos comezará desde a derradeira publicación en calquera dos medios citados. Faise constar que, se o prazo rematase en festivo ou sábado, se ampliará ao día seguinte hábil que non fose sábado.

5. Criterios de adxudicación. Serán os seguintes:

a) Local e mobiliario ofertados. Ata un máximo de cincuenta (50) puntos.

b) Prezo. Expresarase nunha cantidade que non poderá superar o orzamento máximo de licitación por ano (12 meses), co IVE, que figura na cláusula 2ª do prego respectivo 20.400,00 €). Valorarase ata un máximo de cincuenta (50) puntos.

6. Mesa de contratación: constituirase de acordo o sinalado nas cláusulas 11ª, 12ª e 13ª dos pregos respectivos.

7. Clasificación: non se exixe.

8. Garantías: provisoria, non se precisa. Definitiva, 5 % do prezo de adxudicación excluído o IVE.

9. Entidade e información: Concello de Sanxenxo-Sección de Contratación. Tel.: 986 72 00 75.

10. Documentación: recollerase no Concello de Sanxenxo e a través da web www.sanxenxo.es Perfil de contratante.

Sanxenxo, 27 de xullo de 2012

Catalina González Bea
Presidenta da Xerencia Municipal de Urbanismo do Concello de Sanxenxo