Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: LMT, CS Polígono Industrial Sur PPI2-parcela 3.

Situación: O Porriño.

Descricións técnicas: LMT subterránea a 15 kV con condutor tipo RHZ de 4 metros de lonxitude, con orixe e final no empalme proxectado na LMTS existente unha vez entre e saia do CS proxectado. Centro de seccionamento, con celas compactas con corte en SF6, situado na parcela 3 do Polígono Industrial Sur PPI2 (sector 2), O Porriño.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, edificio administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 17 de xullo de 2012

Ignacio Rial Santomé
Xefe territorial de Pontevedra