Faise público que Paris Novio, S.C. solicitou licenza para desenvolver a actividade de ampliación de estabulación libre de gando vacún de leite e obras anexas en Lamasapín-Chacín, comprendida no ámbito de aplicación do Decreto 133/2008, do 12 de xuño de 2008, polo que se regula a avaliación de incidencia ambiental.
Presentada a solicitude e a documentación anexa requirida pola normativa e para os efectos de cumprir o disposto no artigo 8.3 do Decreto 133/2008, o expediente de referencia exponse ao público por un período de vinte días mediante anuncio no Diario Oficial de Galicia e no Boletín Oficial da provincia correspondente e exposición no taboleiro de anuncios do concello.
Deste xeito todos os interesados ou afectados pola actividade obxecto deste expediente poden consultalo nas dependencias municipais e efectuar as alegacións ou observacións que consideren pertinentes.
Mazaricos, 2 de agosto de 2012
José M. Santos Maneiro
Alcalde