Faise público que Elisa Baña Atán solicitou licenza para desenvolver a actividade de ampliación e mellora da explotación gandeira existente mediante a construción de silo para almacenar forraxe en verde, plataformas de formigón e almacén en Quintáns-Corzón, comprendida no ámbito de aplicación do Decreto 133/2008, do 12 de xuño de 2008, polo que se regula a avaliación de incidencia ambiental.

Presentada a solicitude e documentación anexa requirida pola normativa e para os efectos de cumprir o disposto no artigo 8.3 do Decreto 133/2008, o expediente de referencia exponse ao público por un período de vinte días mediante anuncio no Diario Oficial de Galicia e no Boletín Oficial da provincia correspondente e exposición no taboleiro de anuncios do concello.

Deste xeito todos os interesados ou afectados pola actividade obxecto deste expediente poden consultalo nas dependencias municipais e efectuar as alegacións ou observacións que consideren pertinentes.

Mazaricos, 2 de agosto de 2012

José M. Santos Maneiro
Alcalde